Unn en deitsch Sproch, wos norre in Bräsilje gebt:
RShrx / Riograndenser Hunsrückisch / Hunsriqueano Riograndense / Deitsch
Am 25. Juli 2026 feiert ma’ 202 Johre deitsche Inwannrung in Bräsilje.
Das iss en Gelehenheit, Dankbarkeit se zeiche für all die Froohleit unn Mannsleit, wo zusammer, awer mannichmoh ooch allen, mit Mut ihre Heimat hinnich sich geloss honn unn mit ihrer Oorweit, mit ihrem Gloowe, net alle fromm, unn ihre Lewenswese mitgehollef honn, unser Bräsiljeland uffsebaue.
Das Jubiläum sollt awer net bloss en Blick retuar sin. Es sollt uns doch ooch wie en Erinnrung diene, dass unser Kultuar net von sich sellebst weiter lewe kann. Meine liewe Leit, sie lebt jawohl, doch nuar wenn ma’ sie schätze tut unn sie weitergewe tut an die kommende Juchend unn Kinnercher, wolle ma’ soohn, wenn es deitlich ausgedacht gemacht geb weerd.
Unn grood in dem Weidergewe hot unser Sproch en ganz wichtiches Platz. Wenn es um Kultuar unn Identität geht, ei unser Sproch geheart jo völlich unn gründlich dozu. Sie iss en lewendicher Tehl von dem Erb, wo mear jo von unsre Voarfoohre krieht honn. Jedes Mol, wenn ma’ unser Sproch benutzt, wenn ma’ Deitsch verzählt, wenn ma’ es schreibt, lernt unn weitergewe tut, do tut ma’ jo sicherlich en üwerschöne Stück, wie ich es meene, die schönste von unsrer Geschicht lewendich behalle.
Wolle mear all hoffe unn wünsche, dass die 202 Johre net bloss en Grund zum Feiere sinn, awer ooch en Oonstoss, unser kulturooles Erb mit Stolz, Respekt unn Verantwortung für uns sellebst unn dann ooch für alle dene, wo mear umherum uns honn, in der Richtung von en immer besser Zukunneft se troohn.
Unn losse ma’ uns heit schon dodamit oofänge: unser Sproch verzähle, sie schweibe, sie lese unn se weitergewe — jeder so gut wie ear orrer sie ’s kann, awer immer so gut wie möchlich.
Alles Gutes zum 202-Joahr deitsche Inwannrung in Bräsilje!!!
—
Português / Bräsiljoonisch
202 Anos da Imigração Alemã no Brasil
Uma língua brasileira de matriz germânica celebra sua trajetória
No dia 25 de julho de 2026, celebramos os 202 anos da imigração alemã no Brasil.
Esta é uma oportunidade para expressarmos nossa gratidão a todas as mulheres e homens que, juntos e, por vezes, também sozinhos, deixaram sua terra natal com coragem e ajudaram a construir o Brasil com seu trabalho, sua fé — nem todos religiosos — e seu modo de viver.
Esta celebração, porém, não deve servir apenas para olharmos para o passado. Ela também deve nos lembrar de que a cultura não continua viva por si só. Ela permanece viva quando é valorizada e transmitida às novas gerações.
E é justamente nesse ato de transmitir que a nossa língua ocupa um lugar central. Ela faz parte do legado vivo que recebemos de nossos antepassados. Cada vez que usamos a nossa língua no cotidiano — falando, escrevendo, lendo e a compartilhando — mantemos viva uma das partes mais bonitas da nossa história.
Que os 202 anos da imigração alemã no Brasil não sejam apenas motivo de celebração, mas também um incentivo para carregarmos esse legado cultural com orgulho, respeito e responsabilidade, por nós mesmos e por todos aqueles que vivem ao nosso redor, construindo um futuro cada vez melhor.
E que comecemos hoje mesmo: falando, escrevendo, lendo e compartilhando a nossa língua — cada um à sua maneira, mas sempre da melhor forma possível.
Feliz 202º aniversário da imigração alemã no Brasil!!!
