Meine liewe Leit,

heit feiert ma’ wieder der jährliche Moddertooch. Also wünsche ma’ dann alle Moddre herzlich en fröhliche schöne Moddertooch.

Unn dann nochwas, in etliche Fälle denkt ma’ dann net nuar an die, wo von Geboart die Modder iss, vielleicht hot ma’ jo an en Modder doorrich Adoption krieht orrer annre solche ungewöhnliche Situatione in Lewe. Mamma iss Mamma, unn weerd es für immer sin.

Das is en Tooch, wo ma’ Dankbarkeit, Ehre unn Lieb tief Herz speart unn im Sinn voarweerts bringt. Also dass ma’ das dann ooch all Joahrlang im Herz unn Sinn eahrlich behalle kann.

Halt eich mutich, gesund unn munter!

Paul Beppler / Riograndenser Hunsrückisch Grupp Admin. im ‘Fratzbuck’