Gon Tooch, liewe Leit!

Hot dear heit früh Mooints schon eire jährliche Quantie Karfreitachstee geernt?

Gester woor jo dann Gründonnerstach, unn looft jo die ganze Heiliche Woch hiedas Joahr, die Semana Santa, gell?!

Die Bilder do honn ich sellebst letzt Joahr mit mein Zellular-Kamera gemacht. Do harre ma‘ die jo nei Estrada da Rocinha in Santa Catarina rufzus mit en gemiedt Auto gefoohr bis ma‘ ganz uwe hin sinn komm —ei jetz woor ich endlich wieder in meinem Rio Grand!!

Ei unn dort honn ich dann hiedie Karfreitachstee Bilder, wo ich eich do am zeiche sin, geknipst … doch es woor leider net Karfreitach an dem Tooch.

Das Sträissche könnt ich dann nocher ooch net mit mear zurück hie Heem in die Vereinichte Stoote von Amerika doorrich Zoll üwer der Grenz bringe. Der Karfreitachstee honn ich dann schön meine Modder geb, ei mit meine Mama Derheem geloss.

Ich wünsche eich all Schöne Ostre, gell?!

Feliz festas pascoalinas pra todo mundo aí!

-Paul Beppler