En Adaptierung von Rottmann Peterschs (aus Simmern, im Hunsrück, Deitschland) 19. Joahrhunnert öftersch erwähtes Gedicht “Der Abschied”, hie geschaft von Beppler Paul ens Riograndenser Hunsrückisch am 6. März 2014:
Der Abschied.
En Parodie uff “Hektoar sein Abschied” von Schiller.
Lisekett.[1]
Willst du, Hannes, noh Brasilie ziehe,
Wo dich Schlange und die Affe kriehe?
Ach, dann sterbt gewiss dein Lisekett!
Wear soll mich dann bei die Spiele fehre,
Wann ich jetzt meine Kerl Verliehre?
Geh! Ich wollt, dass dich der Deiwel hätt!
[4]
Tobich Mensch! Was brauchste so se brille?
Dass ist doch ehmol annerscht net mei Wille,
Und ich honn dir’s schon lang gesooht:
Wann net so viele anner Leit prowiere,
Kann ich ooch; ich hoon Nix se verliere,
Wie en’m Annre ‘s geht, so gehts mir grood.
Lisekett.
Jetzt höre ich dich Moints net meh blose,
Ohne Hert und Herter sin die Ochse,
Die dein Uraltvater schon hot gehert;
Wo du hingehst, brauch mer net schaffe,
Kann der Kaffii mit der Hänner räffe;
Geh, du Wüschter bist net meh gut!
Hannes.
Lisekett, wie kannst du nuar so schwetze?
Losst du dich von wüschte Leit verhetze?
Kennst du mich dann noch net besser, säh?!
Sei zefriede! Wann ich brav Karline [viel Kontos de Réis?]
Loorde[uffloode? uffpacke/uffpagge?] in dem neie Land verdiene,
Komm ich wieder, und du gebts* mei Frooh.
*Hier, wie mir heitstooch Riograndenser Hunsrückisch verzähle, benutzt man “gewe”/”gebe” (Hochdeitsch: “geben”) statts “werden”, wie das in Hochdeitsch sin soll.
Näwesächlich, etwas wo ich speziell intressant finne in dem Gedicht, sind die Lisekett ehre Linie dohie:
“Jetzt höre ich dich Moints net meh blose,
Ohne Hert und Herter sin die Ochse,
Die dein Uraltvater schon hot gehert;”
Vielleicht kann man besser verstehn was das Mäd do im Gedicht säht, wie man den Film unne schaue tut – bittschön sieh den Link gleich do unne – üwich den Kuhhund, en oorweitstier … und sein historische Rolle in Viehzucht, im Südwest von Deitschland.
DER KUHHUND – En Hunsrück-TV Produktion von Oscar Echegaray Robles für der Förderverein für den Westerwälder & Siegerländer Kuhhund e.V.
Hier gebts noch en Bissche mehr üwich de Kuhhund für se lese (uff Hochdeitsch):
WIKIPEDIA: Der Westerwälder- und Siegerländer Kuhhund
Seattle, Washington – Vereinichte Stoote
am 6. März 2014
Facebook: Paul Beppler
